قبل ثلاث سنوات من چنت بالاول متوسط چان يجيلي تنمر و بيوم من الأيام قررت أن لازم أدافع عن نفسي و فعلاً و لأني مخبل خذيت صوندة حديد صغيرة محد كان يستخدمها و حطيتها بالجنطة و مرت الأيام و انا متردد أستخدمها و بيوم چنت كاعد بالبيت و قررت أجرب قوة ضربة الصودة هاي و من ضربت راسي بيها كان الوضع مو حلو . . . و يعور و اجتني اللحظة الي " هل هاذ الي جنت راح أسويه بالناس ؟ " و كانت ضربتي متوسطة فما بالك لو كانت قوية جداً ؟ ، طلعت الصوندة من الجنطة و من ذاك اليوم و أنا اطنش الناس ، و بعدين ما شاء اللّٰه اكتشفت اني ما أحتاج أسلحة صرت من اضرب زملائي بالمزاح يتعورون حيل رغم أني اضرب بشكل خفيف (lol أيدي مطرقة ) بس رغم القوة الي عندي أنا خجول جداً و ما كنت أمد أيدي على اي شخص و أسامح في آمل أن يتغيروا و لحد الآن عندي أمل :^) ، شاركوني قصص صارت وياكم بالمتوسط ! احبكم
2026-8-29