اهلا اخوان جماعة فور تشان العراقي اليوم اريد احجي عن السياسة لان ليش لا
بسم الله الرحمن الرحيم اليوم راح اتحدث عن شي جاي يصير بين الشباب والمراهقين والكل بشكل عام وهو "الولاء لغير وطن" او عاميا "الذيول" منو همه الذيول اكله شربه ركزلي هنا شويه "الذيل" مو شرط يكون ايراني او امريكي او خليجي بل يكون شخص يدعم دولة جاي تظر وطنه راح نحجي على اول واشهر نوع "الذيل الايراني" من هو الذيل الايراني هو الشخص الي يكون ولائه للدولة الإسلامية الإيرانية وهذا الشي صراحتا مضحك يعني هاي الدولة الي تدعمها نفسها كتلت اجداد العراقيين هسه راح يجيني واحد يكول "صدام بدا الحرب" وهنا راح اجوابه "كلامك صحيح ولكن غلط جدا" هاي شلون ناز؟ شوفوا اخواني الحرب ما تبدأ من وحدها اكيد اكو سبب زين شنو السبب؟ السبب هو تبادل اطلاق النار في الحدود الحكومة الإيرانية الخمينية كانت تعتبر صدام وحكمه عدو وهذا الشيء محد يكدر ينكره وواضح فيصير تشابك ناري خصوصاً وين؟ بالحدود وهنا صدام اعلن الحرب "دبلوماسيا" راح تكلي ناز صدك جذب اي وهو بدأها راح اكلك لا حبي اعلان الحرب دبلوماسيا مو يعني انو الخميني هو المسكين المظلوم اكبر مثال هسه حرب العالمية الثانية المانيا احتلت نص بولندا و النمسا فرنسا وبريطانيا شافوا هذا الحجي حذروا المانيا من اخذ تشيكوسلوفاكيا بس هتلر كال "اكو اجزاء من تشيكوسلوفاكيا بيها المان عادي اخذهن؟" فرنسا وبريطانيا كالوا "همم تمام بس لا تاخذها كلها" بس طبعا هتلر اخذها كلها وفرنسا وبريطانيا اعلنوا الحرب دبلوماسيا هسه هل المانيا النازية خطيه؟ لا والحجه الثانية هي "واتفاقية الجزائر" اذا ما تعرف اتفاقية الجزائر هي اتفاقيه حصلت بين العراق وإيران الشاه ها الشاه بعام 1975 اجه الخميني ب 1979 زرب بالسالفة واحنا كلنا نعرف اكو الخميني ضد صدام وصدام ضده فصدام قرر يلغي الإتفاقية وهنا راح اوكف لان طولت بس احب اذكر حاجه قبل ما اروح
اكو انواع من محبين الوطن عندك "الوطنجية" الي يكولون اذا الرضا نفسه ضد العراق اصير ضده استغفر الله واكو "محب الوطن" A.K.A patriot وهذا شخص يحب وطنه من غير الكره على الدول الاخرة
