و كم من شخص ينظر الى منشوراتي ويقول يا إلهي كم هي مضحكة وذكية اتمنى لو تتزوجني 🥺
طبعاً طبعاً احنا العرب كلنا سمر ولحد ييجي يگلي لا شوفي هاي فلانه بيضة وعيونها زرگ اي هو اكو ناس بيض وشگر بس اطلع بالشارع ! الاغلب شعر اسود ويڤي وبشرة سمراء حنطية
العرب قديماً چانت معايير جمالهم العيون السود والشعر الكثيف الاسود والعيون الكبار ورموشها كثيفة! تشوفون هاي المعايير؟ هاي معايير تناسب شكلنا
اصلاً هاي الفكرة اجت من ورا الاحتلال الرجل الابيض الاوروبي بدأ في رحلة احتلال العالم وبدا يگلك انو تشوف هذا شكلي؟ اي هذا هو شكل الانسان المثالي هذا الانسان الزين هذا هو افضل بشر؟
وبعدين من هنا بدت فكرة البياض = جمال
يعني ترا هية اصلا مالها دخل انو الابيض اجمل هية بس رادوا يگلولك انو ترا العرق القوقازي الاوروبي افضل من العربي والاسود والآسيوي
ونگدر ننطي هذا الفضل ل ادولف هتلر على نشر هالفكرة
يعني تخيلوا البنات اللي يحرگن بشرتهن بالمبيضات مال البشرة يگدرن يلومن هتلر ع هالشي 😭😭😭 lmaoo والله يضحك
ف اي الي احاول اوصلة هو انو البشر كلهم حلوين وفكرة البياض والشقار هي فكرة نازية احتلالية اجت حتى تخليك تقلل من نفسك بعدين اجت الرأسمالية استلمتها وسوتها مشاريع مليارات لمستحضرات التجميل
برأيي حتى نقمع العنصرية لازم نفهم الاطفال ليش البشر شكلهم مختلف اصلاً؟ المفروض نعلم اطفالنا انو الاسود بشرته سوداء بسبب احتياجه لحماية اقوى من اشعة الشمس ف تكونت عنده طبقة ميلانين قوية
على الجانب الاخر الابيض ما احتاج اي حماية من اشعة الشمس ف جسمة قرر يتخلى عن هالشي
الاسيوي عنده جلد فوگ عينه حتى يحمي عينه
العربي عنده رموش وحواجب كثيفة لانه چان بالصحراء واحتاج حماية من الغبار
و اي خل اجاوب على نفسي
كلا البشرة البيضاء ليست اكثر جمالية من باقي الالوان .